Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 7.36 | Dem. 7.40 (English) | >>Dem. 7.44 |
7.38φησὶ δὲ καὶ τοὺς αἰχμαλώτους ἡμῶν , ὅσοι ἐν τῷ πολέμῳ ἑάλωσαν , ἀποδεδωκέναι · ὃς τὸν μὲν Καρύστιον , τὸν πρόξενον τῆς ἡμετέρας πόλεως , ὑπὲρ οὗ ὑμεῖς τρεῖς πρέσβεις ἐπέμψατε ἀπαιτοῦντες , τοῦτον τὸν ἄνδρα ἐκεῖνος οὕτω σφόδρα ὑμῖν ἐβούλετο χαρίσασθαι , ὥστʼ ἀπέκτεινε καὶ οὐδʼ ἀναίρεσιν ἔδωκεν , ἵνα ταφῇ .
περὶ δὲ Χερρονήσου , ἅ τʼ ἐπιστέλλει πρὸς ὑμᾶς ἄξιόν ἐστιν ἐξετάσαι , ἔτι δὲ καὶ ἃ πράττει , καὶ ταῦτʼ εἰδέναι . τὸν μὲν γὰρ τόπον ἅπαντα τὸν ἔξω Ἀγορᾶς ὡς ἑαυτοῦ ὄντα καὶ ὑμῖν οὐδὲν προσήκοντα δέδωκε καρποῦσθαι Ἀπολλωνίδῃ τῷ Καρδιανῷ . καίτοι Χερρονήσου οἱ ὅροι εἰσίν , οὐκ Ἀγορά , ἀλλὰ βωμὸς τοῦ Διὸς τοῦ ὁρίου , ὅς ἐστι μεταξὺ Πτελεοῦ καὶ Λευκῆς ἀκτῆς ,
7.40 ᾗ ἡ διορυχὴ ἔμελλε Χερρονήσου ἔσεσθαι , ὥς γε τὸ ἐπίγραμμα τὸ ἐπὶ τοῦ βωμοῦ τοῦ Διὸς τοῦ ὁρίου δηλοῖ . ἔστι δὲ τουτί ·ταύτην μέντοι τὴν χώραν , τοσαύτην οὖσαν ὅσην οἱ πολλοὶ ὑμῶν ἴσασιν , ὡς ἑαυτοῦ οὖσαν τὴν μὲν αὐτὸς καρποῦται , τὴν δʼ ἄλλοις δωρειὰν δέδωκε , καὶ ἅπαντα τὰ κτήματα τὰ ὑμέτερα ὑφʼ αὑτῷ ποιεῖται . καὶ οὐ μόνον τὴν ἔξω Ἀγορᾶς χώραν σφετερίζεται , ἀλλὰ καὶ πρὸς Καρδιανούς , οἳ οἰκοῦσιν εἴσω Ἀγορᾶς , ἐπιστέλλει ἐν τῇ νῦν ἐπιστολῇ ὡς δεῖ ὑμᾶς διαδικάζεσθαι —πρὸς Καρδιανοὺς τοὺς κατοικοῦντας ἐν τῇ ὑμετέρᾳ —εἴ τι πρὸς αὐτοὺς διαφέρεσθε .
7.39
unknown 7.41τόνδε καθιδρύσαντο θεῷ περικαλλέα βωμὸν
Λευκῆς καὶ Πτελεοῦ μέσσον ὅρον θέμενοι
ἐνναέται , †χώρης σημήϊον ·ἀμμορίης δὲ †
αὐτὸς ἄναξ μακάρων ἐστὶ μέσος Κρονίδης .
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 7.36 | Dem. 7.40 (English) | >>Dem. 7.44 |